Azaroaren 15ean eta 16an, MERKALAN Lanbideren Enplegu eta Prestakuntza Azokaren bigarren edizioa egingo da, formatu presentziala eta online formatua konbinatuz, gaur egungo osasun eta epidemiologia egoera kontuan hartuta.

Gasteizko Europa Jauregiaz gain, plataforma birtual bat jarriko da. Gune horretan, enpresek lan-elkarrizketak aurrez aurre egin ahal izango dituzte, nahi badute.

 

Ekitaldiaren helburua da sektore publikoko nahiz pribatuko EAEko enpresen eta lan-aukerak eskuratu nahi dituzten EAE osoko lan-eskatzaileen arteko topaketa sustatzea.

Enpresa erakusleen profila askotarikoa izango da, tamainari, sektoreari eta kokapenari dagokienez; izan ere, gure helburua da ezaugarri desberdinetako lan-eskaintzak biltzea ahalik eta pertsona eskatzaile gehienentzat.

Kontsultatu azokaren xehetasun guztiak www.merkalan.eus helbidean