Belgikako Courtrai Ostalaritza Eskolako ikasle eta irakasle talde bat bisitari izan genituen CEBANC-en joan den astean, apirilaren 28 eta 29an. Hamabi lagunek osatzen zuten taldea: 18 eta 20 urte bitarteko 10 ikaslek eta 2 irakaslek. Bidaiaren xedea Euskal Herriko gastronomia bertatik bertara ezagutzea zen eta, horretarako Baiona, Biarritz, Espelette, Donibane Garazi, Donostia, Zumaia eta Zarautzen egin zituzten eskalak. Taldea leku batetik bestera bi autokarabanetan mugitzen zen.
Donostian izandako egonaldian Ostatu Turistikoen Goi mailako ikasleek izan zituzten gidariak: Alde Zaharrean ibili ondoren, Sukaldaritzako ikasleek prestaturiko dastatze menua hartu zituzten gure instalazioetan.
