CEBANC-ek bere instalazioak uzten ditu umeen udako oporrekin arazoak dituzten gurasoen esku, bertan hezkuntza arloko profesionalek duten eskarmentu guztia seme/alaben zerbitzura jarriko dute. Proposamen hau 7-12 urteetako haurren eta 13-16 urteetako gazteen beharretara egokituz sortu da, beraien hobekuntza akadamikoa hala nola aisialdiaren arloak kontuan izanik.

Abian jarriko diren tailer desberdinak hauek izango dira:

-Robotika eta Bideo-jokoen sortze-lan tailerraren bidez beraien lehen bideo-jokoak, istorio animatuak eta arte interaktiboko pieza xumeak sortuko dituzte.
-Marrazkigintza eta Ilustrazio tailerra Ingelesez: bertan hainbat ekintza eta joko burutuko dituzte guztiak ingelesez.
-Sormenezko Gozogintza, Sukalde Dibertigarria eta Miniaturazko Sukaldaritza tailerretan errezetak prestatu, pintxo lehiaketak egin, merkatuak bisitatuko dituzte, eta sukaldaritzari buruz duten ikuspegia zabalduko zaie.
-Zinema eta Bideo edizio tailerrean zazpigarren artean murgilduko dira.

Zuen esku jartzen ditugu tailer bakoitzeko data desberdinak eta deskontuak jasotzeko aukera. Bestalde, jangela zerbitzu hautazkoa egongo da eta haurtzaindegiko doako zerbitzua.